Nevo Koncepti realizinla truyali mesalin vash e violenca ano skole

Adive pe data 20 may 2022, ano City Hotel, pe ora 10:00 shrdingya e o trinto truyali mesalin vash diskucia ano kuadri e proyektesko REACH II – reintegripe e irande romengo, ashkaliengo thay e egiptasyengo kotar e Ratoriguni Europa, Prizrenoski Komuna, Kosova.

Ani akaya truyali mesalin lele kotor e DKA-eski sheruni, (Edukipsko Komunaluno Direktorati), ry. Lujlete Veselaj Gutaj, sheruno e Dadalarenge Koncilesko, r. Agim Gurmani, sheruno e Nevo Konceptesko, r. Osman Osmani, eksperti vash o Edukipe, r. Arben Shala, civilyuno amalipe, fundune skolenge direktorya, reprezentya kotar DKA, sikavne thay reprezentya kotar o medie thay romane biraipkane organizacie.

Ana pe godi kay mashkaro statistike, ano nakhlo bersh raportisale 567 violencake incidentya ano skole. Mudaripaske surya, 120 truposke lindipya, 20 surya kote araklile yagale bandukya, 36 surya kote araklile shilale bandukya.

Mashkaro raportya thay analize mothavgyola kay 50 pe shel e siklovnengo dikhna verbaluni violenca jikay 24 pe shel fizikuni violenca.

Mashkari truyali mesalin ajukergyola te iklon konkluze, rekomqndipya thay diskuzicie vash e violenca ano fundune skole, shandipe thay siguripe, angloaqhavipaske mase kotar o institucie thay civlyuno amalipe, eksplicitno pederal o siklovne e komunitetyenge roma, ashkalie thay egiptasya.

Radio Romano Avazo