Deputeti ano Kosovako Parlamenti, Erxhan Galushi thay godideutno e Ministresko vash regionaluno evolviripe Sylejman Elshani arkahlona ani ofisialuni vizita ani Kroacia kote khetane e kroaciake romane deputeteya Veljko Kajtazi sinelen kedipya e talosheruneya e Kroaciake Sombeshipesko Furi Radin & deputeta Ermina Lekaj Prljaskaj; sevalutneya vash Manushikane Hakayengo ofisi ano Kroaciako Raipe Alen Tahiri thay vizitinde e organizacia Savez Roma u RH “KALI SARA”.

Ano kedipya yaverisale o godinipya vash e situacia e manushikane hakayengi ano duy leparde thema, situacia e romane komunitetesko thay vakegrya vash mashkarthemunto ledeipe vash e kultura ani avutni konferencia vash Lumiako Dive e Romengo 2022 “Roma sar Indiaki diaspora – biqhinde phanglipya”.

Ano akava kedipe vizitisalo vi o filozofikuno fakulteti ano Zagrebi kote vi dendili pakiv e romane viktimenge ano genocidi ano Duyto Lumiako maripe ano romano memorialuno centro Ushtica.