Specialuni raporteya e UN-ki vash garavipe thay anglalipe e godinipeske tromalipesko thay mothavipesko Ajrin Kan vakergya ano Beogradi kay “o publikuno diskursi ani Srbia toksikuno”, thay kay sheruni rola ano buhlaripe e nakamipeske vakeripesko silen o tabloidya thay o medie.

“Leinody pe idkhipe e rola kola silen o tablodiya ano medie, akate ani Srbia, khelena vash buhlaripe e nakamipeske vakeripesko, sim darakerdi feri so Regualtoresko organi vash elektromnikune medie (REM) na lela o mangle mase mamuy o kerutne, na promovinela o pluralizmi ano medienge andripya thay dela o koshipeske kampanye e darakeripeske”, vakergya e Kan e zhurnalistyenge.

Oy ano beogradi e zhurnalistenge mothavgya o agorune andripya para vizitako, thay finaluzno raporti ajukerla te kerel ko avutno bersh.

Oy ushargya e buti e pakyavutnaki vahs polyengo ekhipe thay komentingya kay O Rem na vastinela o vastushya kay sila pe dispozicia thay kay “kana yekh institucia vakerla pe yaver, o raipe musay te lel kan seriozune “.

Vakergya kay o raipe musay te kerel buti kay o institucie te funksioninen, “medie na siton melekya, numay o regulipesko trupo musay te reaginel “.

Oublikuno diskursi ani Srbia dikhla sar “toksikuno ji pe shokiripeske mase”, a atakya pe zhurnlaistya, aktivistya,jene e etnikune thay skecualuyne minoritetengo thay savor ekay kritikena o raipe, avena may angle kotar o politikanya thay sevalutne, thay vi kotar tablodiay thay medie.

Kan ano Beogradi thay Prishtina sine pe 28. Marti thaya rakhlili e reprezentyencar e raipyengo, krislin, parlamenti, biuymlavde institucie, Yekhune thema, avrune organizacie, ambasade, medie, akademie, marutnencar e manushikane hakayengo thay akterya e civilune malipesko.

Vakergya kay vahs ekonomikune, politikune thya malipeske ovipya ani Srbia thay Kosova, situacia ano medie sitoy bikomparipeskio, numay kay ani prishtina dikhla “pluraluno medialuno pejsazhi”.

Vakergya kay, pashe sah, ani Kosova musay te keren buti ano buderi ovipya, may angle nao yekhuno vastipe e albanyune thay srbyuna qhibyako, sar kay sito musayutno o phikoipe e biumlavde srbyune mediengo.

Resursi: Beta