E rafin e romane, ashkalyune thay egipqanyune juvlane organizaciengi RROGRAEK ko parashtuy dive ani Prishtina organizingya beshipe e relevantune institucienca vash e umal e terne prandipyengi thay polyuno diskriminipe. Ayekha vi prezentisalo o raporti kotar rodlaripya vahs akaya tema ano tereni. Ano beshipe diskutisalo vash terne prandipya ko romane ashkalyune thay egipqanyune komunitetya, ji kay prezentisalo o raporti “Raporti e monitoripesko thay notadeipe e rekomandipesko vash terne prandipya, qno phanglipe e istanbuleska Konventa. Ariana Qosaj phiravutni akale rodlaripesko thay jeni koya prezentingya o rodlaripe mothavgya vash akala arakhipya. “Yekh kotar rekomandipya kay iklisto kotar akava raporti si kay te bayron o bersha e prandipeske kotar 16 ko 18 kote amende sar si pe legislacia sito 16 kote vi e rograek thay institucie kerena kay te bayron akala bersha thay si praktike kay si diskriminipeske. Akava phikoingyola vi kotar agencia vahs polyengo yekhipe, simen problemya e etniciteteske mothavipesko. Sasavipeya musay te siguringyon vi fondya vah ste len iniciative thya rograek t elel phriavipeski forma ano pheripe e kriseske lafideipyengo”, phenela e Qosay.

Basri Kastrati, menajeri e ofisesko vash garavipe e viktimengo phenel akay kerna btui savaht vahs garavipe e viktimengo thay kay akana silen may barvali databaza.”Kana vakergyola vash amari buti kotar akava bersh shrdingyam te vastina yekh databaza kay amen vastina thay sitoy angluni ver siton statistike ani detaluni forma thya akantar na ka ovelmen problemi thya vash 5 minutya shay lava statistike kotar sah kosovako regioni” potencingya o Kastrati.

Azize Sekiraqa sevalutni vahs polyune yekhipya ani Ministria e Edukipeski phenela kay akana lenape may buderi akale komunitetenca rvash ma te mekhlon o shkole.”Lelum pherde decisipea kay ano moro berhsuno planifikipe te organizinav infomripeske seanca akale komunitetencar vahs angloaqhavipe e shkolake mekhipesko, soske kana mekhlola e shkola odoya ver iklona yaver thavdya thya ano ledeipe e nesave sevalutnencar ka organizinav kedipya kote ka vastinav vi Istanbuleski konventa thay ka adikara ano tereni ini nesave informipeske sesie thya rodava azhutipe kay te phikingyon o proyektya kay sila Ministria e Edukipeski”, vakergya e Sekiraqa.

Shpresa Agushi mothavela kay musay te ovel may but institucieengo godornipe ano phiravipe e kampanyengo.”Odova so sito nesave thavdya kay nashti te bistara siton studentya kote ano amare siklipya may buderi ani jakovaki komuna angluni ver shunde vahs violenca ani familia shunde amendar sar organizacia soske siklipe ano shkola pandar na silen sos si violenca pe juvla thay ani familia. Soske o terne siton odola kola musay te janen vahs akala thya te phiraven akaya buti”, phenela e Agushi.

Xhulieta Devolli phiravunti e poryekteski vakergya kay pandar si prezentuno o terno pranipe ko komunitetya. “Shrdinde o diskutipya ini andar o khera, ano kampanye kay sinemen ano akava proyekti, Sito shuakr kay sakola bersh shrdinde te vakeren numay kay pandar si but mamuipya thya si pandar godinipe vahs terne prandipya numay o sheya shrdinde te khelen thay definitivune prezentipe nao akala kedipya on vakerna vah ssah akala ovipya thya palo odova diskutina e instituciencar shay te phenav kay si pozitivune phiripya ano angloaqhavipe e terne rpandipyengo thay polyune diskriminipesko ko romane, ashkalyune thay egipqanyune komunitetya ani kosova”, phengya e Devolli.

Akava beshipe organizisalo ano rami e proyektesko “Keripe e kapacitetengo e Romane, Ashkalyune thay Egipqanyune Juvlane Organizaciengo RROGRAEK thay Biraipkane organizacienfo ano monitoripe thay implementipe e politikengo mamuy terne prandipya” implementimo kotar RROGRAEK, phikoimo kotar Un Women thay financimo kotar e Evropaki Unia.

Avdi Misini