Ano Presidentako hramipe, phengyola kay e sheruni e KQZ-eski musay te ovel biumlavdi. “Qhinavgyola o mandati e raynako Valdete Daka sar Sheruni e Centraluna Komisiako vash Alosaripya e Kosovaka Republikaki. Decizia khuvla pe zoralipe pe data kana qhivgyola hrami”, phengyola ani decizia.

Adive e Presidenta sinela yekh kedipe e rayna Valdete Daka koya ji akana phiravgya akaya funkcia thay e Presidenta olatar mangla te del vast cidipe thay vash olaki buti te lel yekh naysipe. Numay akava rodlaripa na akseptisalo kotar e sheruni Daka.

Daka anavisali sar sheruni e KQZ-eski pe 27 aprili 2018, kotar o ex Presidenti Hashim Thaqi, jikay olako mandati si 7 bershuno. Akava si o duyto mandati kay e rayna Daka si pe sherunipe akala instituciako (KQZ-CAK).