Adive e organizacia OPRE ROMA Kosovo hramingya lekanipe e ledeipesko e Kosovaka Agencia vash Statistike.

O resipe e lekanipesko mashkar Opre Roma thay Kosovaki Agencia vash Statistike sito kay te siguringyol yekhuno reprezentipe e Romane komunitetesko ano avutno Populaciako registripe. Yekhune, prekal akava lekanipe sigurisalo vi butyaripe e romane sevalutnesko Emrah Cermnjani kova ka kerol buti sar sevalutno kotar Opre Roma Kosovo ano ofisi e Kosovaka Agenciako vash Statistike.

E Populaciako registripe ka adikergyol ko angloyevend thay e organizacia Opre Roma Kosovo kharela sah e romen ani Kosova kay te registrinen poro identiteti e resipeya kay o romano komuniteti te therel may shukar statistike thay shaipya vash may shukarno reprezentipe.

Avdi Misini, RTK-Radio