HOHAVIPE
Ilir Gashi: Medie siton avri e ternenga interesipeska sferatar
- 1 year ago
- By Romtegra
Medialuno hramipe thay medie siton avri e interesipekso e ternengo, on na informingyona prekal o medie. Alava medie vash olenge mothavela televizia, radio thay gazete, so si kay avela kota ro nakhlo vahti thay on akalencar na phanglona, vakergya vash Radio Goraždevac mediengo eksperti Ilir Gashi thay yekhvahtuno direktori e Fondaciako Slavko Ćuruvija Ilir Gashi.
Gashi vakergya kay o terne informingyona but shukar, numay kay o informipya olendar na avena prekal tradicionalune medie, numay prekal socialune rafinya thay kay akala na siton odola socialune rafinya vash kolenge o purane gndinena.
„Niyekh olendar na siton ano Fejsbukl, so may hari siton ano Instagram. Instagram sitoy rafin vash o phure, numay o Tik-tok sito sheruno alava. Kotar yaver rig sito interesantuno kay but hair medie silen profili ano Tik-tok, so mangla te phenel kay korkore amen cida kotar informipeski rig. Godornipe vash kvaliteti e infomripesko sito svaht pe medie. Niyekh ver nashti te vakere: ‘Eh, odola terne,niso na interesinla olen’, olenge sito interesantuno but. Numay, odola, sar medie kola mangena te informingyon, musay te janen kay te pasharen thay sar te ofertinen olenge. Gndinava kay akava sito sheurno ovipe ano rai e may shukar dikhipesko thay deipe e sheyengo kola na siton dezinformipya thay kvash infomripya“, vakergya o Ilir Gashi vash Radio Goraždevac.
Vakerndoy vash o hohavne nevipya, Gashi nmothavgya vash rodlaripe kotar 2018. thay 2019. Versh mothavgya kobar akava sito seriozuno problemi kolenge viktime dayk ver siton vi o kreidbilune medie.
„Pmothavdilo kay ano apsolutune dominantune gendo resuris e informipesko nesave kotar duy vay trin srbyune tabloidya, kola si registrime ano Beogradi.Akava ovipe palo akava phirela an Srpska Republika, genbralune ano than Bosna thay Hercegovina, sar ini ano than Kosova. Kana o Informer kerla nesavo dezinfomripe, oy but lokhe organizime arakhela po drom ani buhli publika“, vakergya o Gashi.
Ov vakergya kay o biumlavde medie thay zhurnalistika but si qalavde.
„Gndinava kay e situacia vash biiumlavdo zhurnalismo thay biumlavde medie may phare desar angleder. Akava na si niso nevo, feri so but vakegryaola vash o problemya kola o zhurnalistya ulavena ano sektori kay silen. Vash o medie kola kerna buti vash odole so ajukerna olendar o politikanya, biznismenya thay kriminalya kola beshena palal olende, o sheya nakhena but shukar“, vakergya vash Radio Goraždevac mediengo eksperi thay yekh vahtuno direktori e Fondaciako Slavko Ćuruvija Ilir Gashi.
