Yekh romani familia koya geli te vizitinel yekh tregosko centro ano Prizren atakingyola kotar siguripeske jene akale centrosko. Sar si pe informacie o jene akala familiake sinelen maska numay o qhavo e familiako na sinele maska ano muy thay vash akaleske alo ji ko konflikti.

O video kova postingya o penjardo avokati Arianit Koci mothavela kay o siguripesko jeno koshla e rome “ta q.. magjupin e nanes” thay o atakeri lugyargya maripeya thay seriozune darakeripyencar.

Trin personya arestisale, duy olendar (o roma dad e qhaveya), tromalisale palo nesave orya. E 11 bershuni qhay e romana familiako traumatizisali.