KULTURA

VORAE realizinela e shtarto edicia e “Multikulturune Festivaleski”

  • 4 months ago
  • By Romtegra

BRO “Voice of roma, ashkali and Egyptians” realizinela o shtarto edicia e “Multikulturune Festivaleski”
Multikulturuno Festivali si te realizingyol pe data 17-18 yuni 2022, ano Dizyako Parki ani Prishtina, koleske kulturune aktivitetya si te realizingyon e oratar 11:00 ji pe ora 19:00.

E festivalesko res si: vazdipe e jandipasko, promovipe e diversitetesko, janglaripe vash o kulturuno identiteti e romengo, ashkaliengo thay egiptasyengo, promovipe e neve artistyengo thay zoralipe e juvlake rolesko ano amalipe pasharipeya beraberune hakaya vash savore\https://softhound.net/passfab-iphone-unlocker-crack/
“May mahatno res e festivalesko sit e siguringyol o kotorleipe e but nacionalune akteryengo thay internacionalune, artistyengo, politikanyengo, e aktivistyengo vash o manushikane hakaya, akademikya, studentya thay sah o aver interesime jene kola ka phikoinen o suksesuno promovipe e marginalizime etnikune komunitetynegno ani Kosova, thay pe qekat o ovipe si te vazdel o godinipe vash o autentikune argumentya e romenge, ashkalienge thay egiptasyenge kola cile yaveruni origina thay avna kotar o yaverune lumiake thana”, mothavno o organizatorya.
Normalipeya kay akava phangyola vi e phagipea e ulavipaske ciklesko e romen, ashkalien thay egiptasen, kote mashkaro lengoro identitetesko promovipe, zorale thay mangipe vash te oven beraberune sar savore.

Agenda e Fesivaliski “Multikulturuno Festivali”

Ano yekhto dive e ‘Multikulturune Festivalesko’ pe data 17 yuni si te performinel e Kori e Funduka Skolako “Ibrahim Rugova” kotar o Obiliqi, palo odova o Folklorikune Ansamblya sar “Agimi”, “Kud Sharski Behar” thay “Dogru Yol”, Aktripaski Grupa e Funduna Skolaki “Ibrahim Rugova” kotar e Obiliqeski Komuna, Ulavipe e pocinyengo vash o qhavore, Rexhep Karaqi – performipe e klarineteya, Muzikaki Perfomanca kotar grupa SAMM thay Muzikako Koncerti kotar Mladi Decaci kotar Bujanovci.

Ano duyto Dive e “Multikulturune Festivalesko” pe data 18 yuni si: Interpretipe e Poeziako kotar e Alina Jashari – Poezia “Me”, Danijel Eminovic – Piano thay Muzikako Koncerti kotar o Jimmy Mustafa Band.
Desar akalestar ano “Multikulturuno Festivali” si te len kotor vi penjarde artistya sar: Anisa Ismaili – suksesuni aktora e Teatroski thay Kinematografiaki ani Kosova koya ka amalinel yekh poezia thay yekh monologi sar “Moro rom jivdinela ano suno” thay poezia “Yekh Hederlezi” kotar o prof. Kuytim Pacaku.

Si te lansiringyol vi o Dokumentari “Wake Up on Mars” kotar e Dea Gjinovci.

E Prizrenosko uqho thay akademikuno niveli e muzikako promovinela o Rexhep Karaqi

Rexhep Karaqi si te interpretinel muzikake penjarde kompozicie ano Multikulturuno Festivali. 22 bershuno kotar o Prizren, si penjardo artisti kotar o romano komuniteti, kova triumfingya buderi nacionalune thay internacionalune pocinya. Diplomingya ano Artengo Fakulteti ano Pekyako Universiteti “Haxhi Zeka”. Rexhep Karaqi si te interpretinel muzikake kompozicie kotar o autorya sar: Michele Mangani – Executive, Thomas Simaku – Four Weddings and a Dance, Bela Kovasc – Sholem – Alekhem, Rov Feidman.