HOHAVIPE

Tabloidya vash Ohridesko lekanipe: Sah ’’amare vijaipya’’ thay ’’olenge nashalipya’’

  • 11 months ago
  • By Romtegra

Kritika thay naqalaripe e kosovaka opziciako ano mothavipe e sheruneminsitreskoA lbin Kurti, palo lekanipe ano Ohridi, but vastinde o tabloidya ano beogradui, kola o sah procesi mothavde sar baro vijaipe e Beogradesko thay baro nashalipe e Prishtinako. Anmo analizime tekstya na si ni yekh lavyori kay vakergyola vash lekanipe vash phriavipe e propozipesko e Evropaka Uniako.

Yekh kotor e publikako thay opoziciako ani Kosova thay Srbia siton biqalarde e epilogea ano Ohridi nesave dive kritikenan poro raipe kay bikingya o nacionalne interesya.

Ano akava teksti phirava nesave anava kola na siton bazirime ano faktya, numay manipulinena olencar ano naqalaripe yekh kotor e publikako ani Kosova kote mothavena sar baro nashalipe e Prishtinako thay vijaipe e Beogradesko.

Angluno mothavipe e bare Vuqiqeske vijaipesko, mothavgya o portali Srbija danas, kola ano rami e kedipesko ano Ophridi, o mothavipe e Srbiake presidentesko karakterizingya sar “zorao mesazhi “.

Srbija danas phiravgya o vakeripe e srbiake presidentesko Aleksandar Vuqiq e anavaea “NA KA HRAMINEN NISO” Zoralo mesahzi e presidentesko Vuqiq anglo nakhipe ano Ohridi”. “Zoralo mesahzi” yekhune phiravgya vi o portali Večernje novosti vastindoy yekhune foto kotar Tanjug.

Numay duy dive palo kedipe ano Ohridi kote vakeridlo vash implementipesko plani e Evropake popzicipesko vash normalizipe e ledeipyengo, Informer  ikalgya anav kote, sar akava lil mothavela “Vuqiq yaveringya e Kurti”, ini kay ano tveew e eks minsitresko e avrune butyengfo Petrit Selimi kote khargyola o teksti na lepargyola o Vuqiq thay Kurti.

“Eks minsitri e Kosovako mothavgya sa ro Vuqiq yaveringya e Kurti thay phengya: Akana si but may phare amenge “, si o anav ano Informer, kole publikingya vi o Alo.

Portali pe albanyuni qhib Gazeta ekspres, ikalgya e intervisya e eks shefeya e dikhalripeska misiako OSBE ani Kosova Wiliam Voker kote ikalgya o nalekanipya e kosovake sheurneminsitresko vash te hraminel o lekaipe.

Beogradesko lil Alo akava vastingya kay ano poro anav te hrainel “May baro nakamlo e srbyengo holasalo vash fomriripe e Asociaciako e srbyune kounenengo kote si nashalipe e kosovake”, koleya sumiringyola kay e yaver rig kergya vijaipe ano negociacie.

Buderi anava ano tabloidya mothavgya e sbryuni rig sar vijayutne ano negociacie, so na qaqipe bangarela o fakti kay on phiravgyona vash te ovel o demokrativuno anglipe ano lediepya e duye rigengo, numay ini kondicie e dizeunenge ani Kosova, may angle e Srbyengo.

Sar si pe alava e uqe reprezentesko e Evropaka uniako vash avrune butya Josep Borel, yekhatar palo kedipe ov mothavgya kay lelepe kan vash implementipe e lekanipesko vash normalizipe e ledeipyengo . Ov phengya kay  sol duy riga halile vash phriavipe e lekanipesko kova reslilo ano Bruksel . Ano srbyuini thay albanyuni publika may baro kotor e opoziciako kritingya akava lekanipe.

Resursi: Radio Goraždevac