KOMUNITETI

Shrdingya o Multikulturuno Festivali, ‘Juvli, arkitekta e malipeski’

  • 1 year ago
  • By Romtegra

E motoa e juvli malipeski arhitekta avdive sherdingya o trinto Multikuruno Festivali kova organizinla e Biraipkani Organizacia VORAE. Ano Prishtinako foro Zahir Pajaziti, avdive sherdingya yekh kotar o may mahatne ovipya ano than o Multikulturuno Festivali kova organizinla e Biraipkani Organizacia VORAE. Akava bersh o festivali dedingyola e juvlenge thay e juvlane evolviripeske konkretipea kotar o trin komunitetya odola e romane, ashkaliune thay egipqanyune komunitetyenge juvlengo ani Kosova. Ko puteripe e leparne festivalesko sine ini uqe reprezentya sar so sine e Kosovaki presidenta Vjosa Osmani.

Rayna Ulrika Richardson, Kordinatora e Yekhune Naciengo vash o Evolviripe ani Kosova, kya vakergya kay mange but simay loshali vash o moto e festivalesko, odoleske vash te ove arhitekta manglape diso te peravelpe thay te kerelpe numay akate manglape te peravgyon sasave bariere kolencar jivdingyam but bersha.

Rayna Katharina Stocker, Direktorka e Zvicrake Ofisesko vash o Ledeipe ani Kosova, o khuvipe pi buti na aqhavla numay o nanipe e butyake thanengo numay ini o polyune stereotipya kote si sar bariera vash o khuvipe pi buti, odoleske akala bariere manglape te peravgyon.

E rayna Pia Stjernvall, Ambasadora e Finlandaki ani Kosova, koya vakergya kay si bahtali so lela kotor ano akavutno organizipe thay dena phiko sarsakana e leparna VORTAE organizacia odoleske kay kerna yekh shukarni buti thay siyem but bahtale kay shay te daha phiko ano akavutne organizipya.

O direktori e leparna Organizaciako Avazo e Romengo, Ashkaliengo thay Egipqaynengo ani Kosova VORAE, Isak Skenderi vakerla kay o Juvla astargyona e bare trumipea sar ano poli ayekha ini ano lengo etniciteti, thay may baro kanceri phiravla te ovel terno prandipe kote si baro diskriminipe ini institucionaluno.
Isak Skenderi
Pashe e ververutne aktivitetenge, ka oven ini diskutipya vash puqipya kay silen qalavipe direktuno ano malipe, e ververutne panelistyencar kotar o than thay regioni. Palo puteripe e festivalesko adikerdilo vi panairi e juvlane biznesyengo. Ano akava panairi lela kotor vi o Piktori Bajram Memedi thay Fariye Memedi.

Resipe akale festivalesko sito vazdipe e godinipesko vash zorakeripe, sfide, anglokrisipya thay stereotipya kay egzistinena pedral o juvla e romane, ashkalyune thay egipqanyune komunitetya. Pashe e ververutne aktivitetenge, vash trin dive ka oven ini diskutipya vash puqipya kay silen qalavipe direktuno ano malipe, e ververutne panelistyencar kotar o than thay regioni.