Kotar o 11 yuni jipe 11 yuli ka phiravgyon o futboleske khelipya EURO 2020, o sah khelipya si tumen shaipe te dikhen ano RTK.

Ji akana kheldile anglune 7 khelipya ano futbolesko kampionati euro 2020. Angluno khelipe sine mashkar e Turkia thay Italia kote triumfingya e Italia e rezultatea 3 – 0, o duyto khelipe kheldilo mashkar o Walsi thay Zvicra kote o rezultati sine yekhuno 1 – 1. Trinto khelipe kheldilo mashkar e Danimarka thay Firlanda kote triumfingya e Firlanda rezultatea 1 – 0. O yaver khelipe kheldilo mashkar Belgia thay Rusia kote triumfingya e Belgia e rezultatea 3 – 0. Palo akava khelipe khelde Britania thay Kroacia kote triumfingya e Britania rezultatea 1 – 0, numay adikerdilo ini o khelipe mashkar e Austria thay Vrdlo Riguni Makedonia kote triumfingya e Austria e rezultatea 3 – 1, thay o paluno khelipe kova adikerdilo ijuve diveste sine mashkar e Holandia thay Ukraina kote triumfingya e Holandia e rezultatea 3 – 2.

Numay adive ka khelgyon futboleske khelipya mashkar e Skocia thay Cekia palo akava khelela e Polinia thay e Slovakia thay o paluno khelipe vash adive khelgyola mashkar e Spanya thay Suedia. o sah khelipya si tumen shaipe te dikhen ano RTK.