KOMUNITETI

Sar te sigurina shukarno soipe

  • 1 year ago
  • By Romtegra

Vash te theren yekh trayno soipe, anglo te pashlon, keren yekh relaksipasko nangipe, keren loke aktivitetya, alosaren te drabaren yekh pustik, alosaren soipaski soba, ciden vast kotar telefoni thay soven definime vahtea.
Yekh yaver ppraktika kay te theren lokho soipe, sit e keren yekh relaksibasko nangipe anglo te pashlon. Siguringyon kay o pani te na ovel may tato desar 38 cg. Janen, na dushi numay yekh nangipe soske na vi relaksibaske kremya thay yaver esence kola shay qhivna ano pani. Savore akala manglap te relaksinen tumen. Alosaren naturalune luludyenge thay kamilicake arome.

Phenen NA aktivitetenge sar si fitnesi vay phare aktivitetya, kola stimulinena janglaripaski situacia e organizmeski. Si bangi e idea kay, o qhindo manush, sovla but maysig, soske daykh ver o sah qhindipe, dela vi o kontra efekti, so mangla te phenel kay shay vazdla tumari godi. Alosaren te keren loke treningya sar si yoga, ose soske na vi yekh lokho vay harno phiripe.

Shay te alosaren te drabaren yekh pustik, trin ji 4 qhamya, alosaripea e pustik thay o drom sar drabarena ola, kote ulavdo vasnipe manglape te therel o drabaripasko dudi.
Alosardi soba vash soipe si yekh yaver elementi vash te marel o na soipe. Ayeka kay te sine kay tumari soba si pe rig kote si rikibe, odoya ver bistaren o loko soipe. Tumari godi manglape te ovel trayni thay te ashlinel vash te “astarelole e lindra”. Ciden vast kotar khelipe e telefonea talo qarshafi vay te dikhen televizia. Akala si aktivitetya kola na kernatumen trayne, kontripea janglarna tumari godi.

Pe agor, sheruno alav si regulariteti, so mangla te phenel te soven thay te ushten sistematikipea. Te sine kay resna te keren akava vash yekh kurko rendoa, te soven thay te ushten ko yekh definimo sahati, odoyaver tumaro organizmi ka siklol akale ritmea, kova ka ashutineltumen te soven trayne, keripea pe ayni vaht trayno soipe, sar vi te oven ekzaktune pe janglaripe kotar o soipe.