Nakhle kurkesko phanglipe e saslarnesko ano samatreduno thavd Jarinje, palo odova vi decisipe e phanglipeska masako, sine sheurno nevipe ano srbyune medie. Vash akaleske raportinde ini tabloidya, mashka rolende ini Srbija danas. Ani serija e tekstyengi kay iklili ano pere portalya buderi decisinde kay o anglophanglipe vay masa e siguripeski ano akava ovipe akans ahrdingya, te raportinen ani rig koya e drabarnen anela ano decisipe kay sito agorimo. Vastinde vi terminya sar „krisimo“, „dendilo phanglipesko krisipe“, „anglokrisipe “.

Ani astaripe e Srbesko N.T. ano Yarinye may angle raportingya o Ofisi vash KM, vakerindoy kay ov sito saslarno ano Saslaaripesko kher ani mitrovica Upruni, thay kay tradinelay e qhavoren ani komuna Srbica ani familiaki festa.
„Jene e Kosovak policiako aqhavde ole vash nanipe e dokumentesko vash qhavore, nikalde e manushen kotar o vrde thay maltretinde e T anglal olenge, kana ov mamuyingya, phande ole“, mothavena kotar o Ofisi.
Phanglipe e N.T. ano mashakr vahti vakergya vi e Kosovaki policia, mothavindoy kay akaya persona, themutnoe Srbiako, na dengya e mangli dokumentacia vash khuvipe ani Kosova, thay kay palo odova koshle e policiake sevaltunen, thay yekheske qhivgya truposke khuvdipya.
Avokati N.T. Miloš Delević konfirmingya palo akava vash KoSSev kay olesko klinti, vash koleske, mahsakr yaver, vakergya kay kerla ani privatuni klinika ano Beogradi, shundilo, thay dendilo oleske 48 oryuno adikeripe, thya kay pharakergyola vash atako pe ofisialuno sevalutno.
Delević yekh dive palo akava, vay ko savtano, ayekha vi vash KoSSev vakergya kay oleske klienteske dendilo yekh masekuno phanglipe.
Ini kay si o alava vash e masa e siguripeski e prezentipesko ano procesi, raportindoy vash adikeripe e phanglipesko N.T, Srbia adive anavingya o alav „SRBYUNE DOKTORESK DENDILO PHANGLIPE: Lajavo krisipe, bilaqipe pe Srbya na aqhola “.
Ano anava vastingyola o alava”krisipe, so anglo phanglipe na sito akava medie leparela vi o mothavipya e ofisesko vash KM.
Nevipe e Srbija danas, vasindoy o alav „krisipe e phanglipesko“ thay „anglophanglipe“, palo odova phiravde bdueri medie sar si Vesti.rs,Informer, Novosti, Alo thay Nova.rs. Ani komparacia kotar Srbija danas, akala medie sar resuris mothavde e Tanjug.
Akaya agencia pe shrdipe e nevipesko mothavela kay e kriselin “angya krisipe kotar 30 dive“, ini kay o avokati klaro mothavela kay akale personesko “qhivdilo phanglipe ktoar 30 dive“.
Raportindoy vash o reagipya kola dikhle o phanglipe e NT Srbia Danas ano duyto nevipe dendi ko savato decisingya te krisinel srbyune diplomate.
„KURTI SASAVIPEYA MANGELA TE PROVOKINEL KHUVDIPE“ Amerikatar alo zoralo krisipe ano ovipe e hohave sheruneminsitreske – sito ano anav e Srbija Danas.
May angle o lafi sito vash reagipe e Srbiake ambasadoresko ano Yekhune Amerikake Thema Marko Djuriq.
Ano nevipe vbakergyola kay o Juriq vakergya kay ko avutne dive ka lenpe mangle bajakya o Beogradi kay ka lel.
Nevipe e Srbija danas phiravde o Vesti.rs e yekhune anaveay. Yekhune alavyua vastinde o Alo, kova e autore e tekstesko hraminela peste thay Novosti, a nevipe akale mediesko palo akava phriavgya ini e Srbijainfo.rs thay Lajk.rs.

Resursi: KoSSev