Ano portali e divune hramipesko Informer ko 4 yuni iklilo o nevipe e alavea „Shefi e kabinetesko Vjosa Osmani mangla: Usharape e manushencar kola protestinena ano Beogradi,  sah khandela ano maydan“. Lafi si vash kerdo thayu palem rikerdo o spinimo spini kova ano tviter originaluen ikalrgya o Blerim Vela.

Yekhuno nveipe ikalrdilo ini ano alo.rs, b92.net, politika.rs, balkanuzivo.org, time.rs, tip.rs, vesti.rs, red.rs, designia.rs, a portali republika.rs  akalea ovipeya ikalrgya „NA KA OVEL MEYDANI THAY AYEKHA KHARDO PENJARIPE E KOSOVAKO: Petković zorale reagingya ano vakeripe e shefesko e kabinetesko kotar Vjosa Osmani – Priština kharela rat ano droma e Beogradeske!“

Shefi e kabinetesko e Vjosa Osmani ano olako mesazhi ano protestya „Srbia mamuy violenca“ niyekhe thane na vakergya kay „siton usharde e manushencar kola protestinena ano Beogradi“. Akava kotor e tekstesko sito hohavno thay sasavipeya ridikhlardo andripe e „zhurnalistesko “ internet redakciako e Informeresko thay pandar nesave mediengo.

May dur, Vela ano tviti qhivgya o lavavdipe e droneya e TV N1 kote dikhlola kobar  sine manusha ko 3 yuni ano protesti ano droma e Srbiake Sombeshipesko ano Beogradi.

Ano teksti e Informeresko mashakr yaver mothavgyola kay o kabineti e Bjosa Osmanako ikalrgya „video lavavdipe e taykuneske N1“ thay ayekha sahipeya diskreditinla akava medialuno ovipe.

Sahipea kay Blerim veli na phikoinla o bishandipe ano Beogradi thay na interesinela oleske ko odote protestinela. Olesko tviti sito spini plasirimo kotar yaver sebepya.

Resursi: KIM