“Drama ani kosova “; “Horor ani Kosova”; “maripe”; “phayripe” thay “haos”. Siton sherune alavya thay terminya vash drabaripe, numay ini yaver resipya.

Kombinipe e leparde terminyengo e naqaqune thay phirutne informacienca may buderi anena dramatizipe e alavyengo, numay vi vazdipe e panikako thay manipulipe e publikako. Qaqipeya, kotar akala alavya, si iformacie kola na silen nisave phanglipya e alavyenca vay siton ano sasutnipe e yekhunenca.

Palem o andripe shay te ovel resipe e autoresko ayekha alavyengo numay o drabaripe. Mnumay, bilaqo resipe sito dikhlo kana iklona ano kontinuiteti thay ano situacie e bayarde tenziengo.

“HAOSI ANO DROMA E KOSOVAKE! Kurteske specialcya palem qhivde betoneske aqhavipya: Cik-cak ano drom Mitrovica-Leposavić”; “PRISHTINA GATSIARLAOPE VASH O MARIPE?! Hohavdo them palo phayripe pe Srbya, ande decisia- ka aqhavel dayk khoro olen?!”; “PHAYRIPE ANI ZVEQANA! Puterdili yag pedral e vrda, o sine resipe e atakesko” – numay siton trin alavya e portaleske Srbia danas ano yanuari phanglo e Kosova, kova ko sasavo drbarno ani Kosova kotar Centraluni srbia anela panika thay bange agoripya.

Misalya e “shukarna” praksako

Teksti e alaveya ” PRISHTINA GATSIARLAOPE VASH O MARIPE?! Hohavdo them palo phayripya pe Srbya, angya decisia – ka aqhavel oleng dayk jeno?!” – publikisalo pe 23. yanuari.

“Palo serie e atakenge pe Srbya kotar e Kosova ano dive kane e spcialuni yekhlin phayargya pe duyS rbya, Ministri e garavipesko e hohavne themesko Armend Mehaj anglopenjargya neve investipya ano bandukipe e ayekha kharde Kosovake Siguripeske zoralipyengo” – hraminela e Srbija danas.

Mehaj si qaqipe kay anglopenjargya op neve investipya, numay na ano dive e phayripesko, numay yekh dive angle, so shay te dikhlol lokhe ano olesko Facebook profili.

Teksti e anavea “Phayripe ani Zveqana! Puterdili yag , ov sine resipe e atakesko ” – qhivdilo pe 27. yanuari.

Alava mothavela kay o pharipe ulo ani yekh komuna e buderune srbyenca ani upruni Kosova, thay ka ovel dikhipe ano eventualune khuvde dizune kay shay te oven kotar akaya komuna.

Numay, vakegryola vash nevipe kova phiarde buderi medie kay o bipenjarde personya phayarde kotar yagaki banduk ano policiaki vrda e patrolake ani komuna Zveqan. Ano nevipya o portali khargyola vash informipe e Kosovaka Policiako, kote vi qaqune mothavgyola kay na si khuvde, thay kay pakyalape kay o resipe sine o tradutno, bizo detalya vash korkoro tradutno.

Zhurnalisto e radio Goraždevac Milić Petrović ano poro komenti phanglola ano leparne nevipya, numay vi but yaver ano identikuni qhand e alavyencar thay mesazhyencar. Leparela kay o o puqipe e Kosova thay tromalipe sito vasno vash publika, numay kay o tabloidya hraminena ano yaveruni rig.

Resursi: Radio Kontakt plus