Shaqir Totaj: E qhib si esencialuni vash o manushipe

Sheruno e Prizrenoska Komunako dela lafi kay si te penjarol e romani qhib sar qhib ano ofisiyaluno vastipe

Avdive si e yekh e may mahatne divendar vash vash e inciativa koya lelili kotar e CAO Rafin Ad Hoc vash penjaripe e romana qhibyake statuseski ani Prizrenoski Komuna.

Sheruno e Prizrenoska Komunako, r. Shaqir Totaj, talosheruno e Prizrenoska Komunako, r. Kujtim Gashi, shefi e kabinetesko r. Nehat Elshani thay avazdeutni e Prizrenoska Komunaki, ry. Jona Hoxhaj ajukerde ani Parne Khereski truyali mes e delegacia koya avokinela vash penjaripe e romana qhibyake statuseski.

Sheruno e Prizrenoska Komunako, r. Shaqir Totaj ano arakhipe dengya lafi kay e Prizrenoska Komunako ekzekutivi ka aprovinel akaya but bershuni rodlarin vash i romani qhib, rodlarin koya akordingyola e krisyencar vash o qhibya thay e manushikane hakayencar.

“O roma jivdinena tradiciaha ano Prizren thay ola si semno aseti vash o kompletipe e ver-veruno amalipe e amara dizyako, kova penjargyola vash e harmonia ano khetano jivdipe e savore komunitetyengo. Sineman loshalipe kay adive te ajukerav e reprezenten kotar “Romane Intelektualengi Grupa” kolengi rodlarin si kay e romani qhib te penjargyol sar qhib ano ofisiyaluno vastipe ani Komuna.”, hraminla o sheruno Totaj.

E rafinake kotorleutne sar: Osman Osmani – sheruno e BRO Nevo Koncepti koya phiravela akava procesi, Fatmir Menekshe – sheruno e BRO Durmish Aslano thay kova si koordinatori e proyektesko “Promovipe e diversitetesko thay e romana qhibyake ani Prizrenoski Komuna” phikoimo kotar e Evropako Koncili, khetane e reprezentyencar kotar e na-romane BRO, sar: Bashkim Gashi – KLMDNj, Elmedina Dorambari – KDI, Eroll Shabani – Ec Ma Ndryshe, Linda Simitciu – ISDY thay Fisnik Minci – aktivisti, si but qalarne kotar o diskucie thay kotar e sherunesko lafi deipe kay leskoro lokaluno raipe ka procedinen thay ka aprovinen akaya 15 bershuni rodlarin e romane komuniteteski.

“Involvipe e romana qhibyako ano ofisiyaluno vastipe ani Prizrenoski Komuna, ka tretirina e maksimalune serioziteteya, vash te phirava may angle akava procesi kova neglizhisalo ano nakhlipe. Akava komuniteti sile unikuno kustikipe thay mashkaro Komunake prioritetya si garavipe e komunitetyenge hakayengo vi ayekha e sah Prizrenoska Komunake dizutnengo, bi ulavipe.” phenla pe agor o Prizrenoska Komunako Sheruno, r. Shaqir Totaj.

ROMANO AVAZO