NEVIPE

‘Poetikuni rat’ ka puterel o kurko e Romana qhibyako

  • 2 months ago
  • By Romtegra

Romana Qhibyaki sikavni ani Prizrenoski komuna, ry. Urma Menekshe, informinla kay o puteripe e romana qhibyake kurkeski ka ovel pe data 1.to novembro mashkari yekh “Poetikuni Rat”.

Romana qhibyako dive ka manifestingyol drabaripea thay interpretipea romane poezia ani Poetikuni Rat, evenimento kova gatisergyola kotar e romana qhibyaki sikavni thay e na-formaluni grupa kola realizinena o proyekti “Promovipe thay barvalipe e minibliotekako thay romana literaturako” phikoimo kotar koncorciumi: VoRAE, Terre des hommes thay Heks/eper.

Poetikuni rat shrdla pe ora 18:00 ano restorant Ambienti kote ajukergyola te shunglol e romana qhibyako guglipe mashkaro interpretantya e poezienge kola si te oven jene kola lenape artoa, kotar o romengo, albanyuno, turkyuno thay boshnyakuno komuniteti.

Ano bersh 2015 o 5.to novembro penjargyola sar romana qhibyako mashkarselikano dive kotar Yekhune Naciengi Organizacia vash edukacia/siklipe, skencia thay kultura – UNESCO.

Romanao Avazo