NEVIPE

Opre Roma Kosovo organizinde yekh pres konferenciya thay protesti vash o mudaripe e Romesko ani Ceska Stanislav Tomas

  • 3 years ago
  • By Romtegra

Yekh grupa e organizaciyengi ano rami e grupako Opre Roma Kosovo organizinde yekh pres konferenciya thay protesti ani diz Prishtina angli Cekiaki Ambasada sar solidariteti e Romencar vash mudaripe e Stanislav Tomasesko kotar e Cekiaki policia.

Ano rami e kampanyako Barikane Roma ani tromali Kosova o organizacie Roma Versitas Kosovo thay KOSINT adive adikerde yekh konferencia vash o medie vash te penjaren e buti koya kerel ano 2022 bersh o Ofisi vash Romane Iniciative khardo RIO ano may buderi se 15 thema Evropake kote jivdinena o roma.

Pali pres konferenciya sherdingya o protesti ani diz Prishtina kote phirde tromale e kharipyencar opre o roma thay hako vash o stanislav tomas ayekha palo phiripe ani diz resle angli Cekiaki Ambasada sar solidariteti e Romencar vash mudaripe e Stanislav Tomasesko kotar e Cekiaki policia.

Organizatoria protestake tharde momela angli anmbasada thay mukle angli ambasada hramipe vash racizmo e romengo sar kay dende yekh hramimi deklaracia e cekiake ambasadake ani Prishtina vash rodipe hakosko vash mudaripe e romesko ani cekia Stanislav Tomas. E Protesta agorisali bizo incidentiya.