NEVIPE

Ambasadori Abbott ajukergya e medien vash o proyekti “Media for all”

  • 1 month ago
  • By Romtegra

Britaniako Ambasadori ani Kosova, Nicholas Abbott ajukergya e direktore e BRO ‘Romtegra, r. Daut Qulangji thay e drirektore e BRO ‘Durmish Aslano’, r. Fatmir Menekshe. O maladipe realizisalo ani yekh recepcia e programesko ‘Media for all’ kova financiringyola kotar e Britaniaki Ambasada ani Kosova.

O romane media sar: radio ‘Romano Avazo’ thay ‘Romtegra’ si mashkar o 12 medie e Kosovaka Republikake kay vijainde o proyekto kote ka phikoingyol thay ka avansingyol olengo medialuno programi.

‘Romtegra’ lele vi yekh certifikata kay agorinde sukseseya o proyekto, jikay o radio ‘Romano Avazo’ agorinde o yekhto 6 qhonyuno periodi e proyektosko e shukar rezultatencar.

O evento realizisalo ani ambasadoreski rezidenca ani Marigona Hill ani Prishtina thay desar e romane mediendar lele kotor o duy aver Prizrenoske medie sar: TV Prizreni thay RTV Besa, vi aver komunitetyenge medie.

Ambasadori Nicholas Abbott si but qalarno kay on phikoinena akava programi thay pakyala kay o phikoipe vash o medie si te lugyargyol, vi pali pandemiaki situacia.

@romtegra