NEVIPE
Mitrovicake terne vizitinena o Durmish Aslano
- 2 years ago
- By Romtegra
O terne e romane, ashkalyune thay egipqanyune komunitetengo kotar e Roma mahala ani Mitrovica vizitinde e organizacia Durmish Aslano talo kolaki kranga sito vi o radio Romano Avazo ano Prizren.
Resipe akala vizitako sito kay o terne kotar e Roma Mahala ani Mitrovica te penjargyon e butya kay kerla e organizacia Durmish Aslano ani mediengi thay kulturaki sfera, may detalyune vash e buti kay kerla o radio Romano Avazo.
Akaya studipeski vizita realizingyola ano rami e proyektesko vash vazdipe e ternengo kotar o leparde komunitetya. Proyekti implementingyola kotar e organizacia Romtegra thay phikoingyola kotar UNMIK.