NEVIPE

Mashkarhemutno Dive e Diskriminipesko

  • 2 years ago
  • By Romtegra

Adive Hramingyola Mashkarthemutno dive mamuy Diskriminipe thay vash akaleske e organizacia Roma in Action adikergya truyali mez ani Jakovaki Komuna e tema “Fenomeni e diskriminipesko ano sasutnipe, ulavde mothaviprya ko romane, ashkalyune thay egipqanyune komunitetya”.

Ano kedipe lela kotor vi o taloministri vash Kultura, Terne thay Sporti o r. Seynur Veshall kova phengya kay integripe e komunitetengo thay ledeipe e buderune komuniteteya sito sheruno mothavno vash aqhavipe akale fenomenesko.

Ji kay ano kedipe lela kotor vi o Ardian Gjini, sheruno e jakovaka komunako.”Niyekh nashti te peravel o fakti kay amaro than hramingya progresi ano maripe e diskriminipesko thay khetane e relevantune akteryencar musay te angazhingyova vash sah dizune kay te jivdinen yekhune”, vakergya o Gjini.

Emrah Cermnjani, direktori e organizaciako Roma in Action vakergya kay akava kedipe organizingyola e resipeya vash te vazdingyol o godinipe ko sah akterya thay te ovel agloaqhavgo o diskriminipe.

Ano kedipe lela kotor vi o Fridon Lala, deputeti e egipqanyune komunitetesko thay lokalune institucienge reprezentya thay civiluno sektori.