HOHAVIPE

Gunoy e dezinformipesko ano drom Šipovo-Kopaonik

  • 1 year ago
  • By Romtegra

Angluno dive e nakhle vikendesko o yiv pelo buderi orya ani komuna  Ivanyica kote sine baro balval, ji kay ano vesha o yiv resto ano duy metre lugipe.

Medie raportinde vash barop yiveske peripya, buti ver dramatikune thay na musayutne thay kay o yiv ano akava kotor e bershesko na sito ajukerdo, thya ji akana na dikhlilop. Numay odova so si qudipeske, nekobor kurke palo kay lelam kan kay o kolege ano nesave redakcie na janena may shuakr kote arakhlola o Šilovo, a kay o Šipovo,  mediendar alo pandar yekh bangipe, kova mothavela vash napenjaripe enacionaluna geografiako.

Mothavindoy vash varo peripe e yiovesko kova pelo ano kotor e komunako Ivanjica, Informer hraminela vash e situacia ano drom Preko Brdo – Odvraćenica kote kotar bare yiveske peripya ano yiv aqhile trin vrde. Akava na ka ovel bi kanleutno te ovel sine: “Skiyantya aqhile talo yiv ano Kopaonik – aqhile bizo phud, shrdingya e akcia e kurtaipeski”.

Qaqipe si kay o Kopaonik niyekh kotorea na astarela e komuna Ivanjica. Yekhuni khetani komuna kola qalavela duy may bare playa ani Srbia, sito Rashka. Numay o lepardo drom sito deshencar kilometre dur kotar akaya tikni diz.

Kay akava kotor na sile nisavoi phanglipe e Kopaonikoa, mothavela vi e dekalracia e sherunesko e komunako Ivanjica, kova citirisalo ano korkoro teksti.

“Sar si pe alava e sherunesko e komunako Ivanjica Momčilo Mitrović sito alav vash o skiyantya kola phiravde o mothavipya e jenengo kay si ano drom vash Novi Pazari”.

Sherune e komunake kontaktinde ini kotar o Novosti za kova phenla, kay o skiyantya kola kotar trin vrde sine astarde yiveya ano drom Preko Brdo – Odvraćenica ani Golija, odblokirisale.

Sito mi bangipe ano alav aqhipe e mangipesko kay drabarnenge kay may penjarde te orientinen kova kotor e Srbiako sito o alav vash o elementaruno najanipe e geografikune thanesko kote jivdina?

Sar ini ano ovipe kay te ovel mangipe kay te raportina vash najando tereni,  may sade Google rodlaripe ela riga kote ani Srbia arakhlola o drom thay ani teritoria kola komunako arakhlola e play. Akava sito vasno kotar duy sebepya…

May angle, te sine kay pishina kay o dromutne astardile yivea ano drom ko “Kopaonik”,  dayk thane sugerina e dizunenge kay ma te jan ano odova drom soske e dromeski situacia si kritikuni. Odova dive, akava na sine ovipe, veri so odova dive vi Auto-moto yekhipe e Srbiako raportingya kay ani komparacia kotar o drom ani Golia, drom ano Kopaoniko sito puterdo  thay kay o mehanizipe sito ano tereni.

Duyto – mediengi rola si te edukinel! Ini kay na siam shunde vash e Golia, kotar yekh shukar hramimo resursi, vay ini sheruno dikhipe vay janipe e geografikune janipengo, e publika lela sheruni informacioa kote jivdinela, vazda o niveli e sasutna kulturako ano malipe.

Buderi nevipya kola ano buderi medie iklile odola dive vash yivesko peripe, anena dar koptar samayake bilaqipya thay anena panika mashka ro drmutne thay tradutne.

Sine alavya sar: “Haos ani Srbija, dikheni o lavavdipya e kataklizmake”, ”Bilaqi samay qaquno haosi ani Srbia” thay ayekha.

Yekh kataklizma kola arakhlova realune akala dive sito dezinformipe.

Resursi: Radio Mitrovica Sever