HOHAVIPE

Deklaracie e politikanyengo irande ano mothavipya e portaleske

  • 1 year ago
  • By Romtegra

Portali e srbyune telegrafesko „Republika“, publikingya o teksti e anavea „KURTI MANGELA TE AQAKAREL O DUKHAVIPE E SRBYUNE QHAVORENGO! Vakergya o Petar Petković: incidenti ano Zubin Potok kerde panj manipulatorya!“,  phangla o skandinipe e Petar Petkovićesko ano Zubin Potok thay protesti ano Upruni Mitrovica e khuvipea e qhavoresko thay ternesko ani Festa ani Shtrpca thay prezentingya sar mangipe e Albin Kurtesko kay te aqhavel akava incidenti.

Mothavipe akale protalesko ano anav, bizo klaro mothavipe kay kergyola buti vahs deklaripe e politikanesko si pandar yekh e tendenziozune anavengo kana si lafi vash o ovipya ani Kosova. Akava sito pandar yekh misal sar nesave portalya pashutne e raipeya mothavena o politikuen reprezentya ano korkore mothavipya.

Vash senzacionaluno anav vastisalo o vakeripe e direktoresko e Ofisesko vash e Kosova Petar Petković kova vakergya kay „incidenti kerde panj mate provokatorya, kay biqhalgya olen e opozicia vahs te azhutinene Kurte“, so kotar o anava nashti te phanglol, feri so ano duyto kotor beshela kay „vakergya o Petar Petković“, thay o sah agoripe sito kay ov reaginya ano mothavipe e portalesko kay o „Kurti mangela te aqhavel o khuvdipe e srbyune qhavorengo“, a na kay o Petković vakergya.

Vash ksandiripe e direktoresko e Ofisesko vash KM thay sherune e Srpska listako kola sine oleya ano Zubin Potok thay protesti ani Upruni Mitrovica e anava „kedipe vash hohaipe e Aleksandar Vuqiqesko thay torture,nakontrolimo barvalipe, aqhavipe, darkeripe e Srbyuna listako“, reagingya o Petar Petković. Ov vakergya kay o fakti kay on ko kerena buti, kerna vahs Kurti, vash kay ov ayekha incidentya thay ovipya vastingya vash pere medie kay te atakinen e Srbia thay presidento Aleksandar Vučić.

Pashe akaleske so akala ovipya mothavena klaro mesazhu e srbyune raipesko ani Kosova thya Beogradeske, akaya media ano poro anav  mothavela sar tentipe e raipesko ani Prishtina  te aaqhavel o incidenti ani Shtrpca. Ini kay si kerutno phanglo, direktori e Ofisesko vash e Kosova thay metohia angya olen ano phanglipe e Kosovake Sheruneminsitreya Albin Kurti, ji kay portali „Republika“ ano poro anav phangla o korkoro mothavipe.

So qaqipeya ulo ano mothavipe e festako ano Zubin Potok

Phiravipe ano Zubin Potok hramingya skandiripe e direktoresko vash e Kosova Petar Petković  thay phriavutne e Srbyuna listako kola sine oleya.

Grupa e Kolashinacengi nekobor minutya skandiringya mamuy akala sevalutne mamuyindoy kay hohavena thay telarena o siguripe, may angle vahs prezentipe e kosovake speiclauen yeklhlinyengo. Phiravutne s rbyuna listako ano incidenti e Petoviqesko ini bizo reagipe shunde o kohipya, ji kay o sevalutne ano sherunipe  Vladika, nasuksesune tentinde te traynikaren o revoltime dizunen, raportingya o KoSSev.

Skandiripe e Petkoviqeske sine 7-8 minutya. Srpyuni lista amalingya e Petar Petkoviće, na reginde. Vladina na suskesune tentingya te tehninel olen, numay vakerde oleske – ‘vladiko, kanlein amen, garavena amen o Albanya’, phiravgya o KoSSev.

Sar si pe video lavavdipe, shungyola may baro gendo e manushengo kova na musayutne skandirinena mamuy petkoviq thay sherune  Sprska Listako.

Protesti ani Upruni Mitrovica

Buderi deshencar dizune kedisale pe 8 yanuari ano phiripe ani Upruni Kosova vahs te len kotor ano protesti kova anglopenjardilo sa kedipe mamuy „hohavipe“ e Aleksandar Vuqiqesko, tortura, nakontrolimo barvalipe, angloaqhavipe, timinipe e Srbyuna listako.

 

Resursi: Radio Goraždevac