Harni lenya mashkar Edi Rama ”provokatori thay Edi rama “amal”, Edi Rama kova sito jando kay e “Kosova na ka ajukerel but vash penjaripe e Srbiatar ” thay Edi Rama kova sile “phralipeske phanglipya” e srbiake presidenteya, vay si ayekha sar si pe hramipya e srbyune tabloidengo.

Hramipya e tablodipesko “Srbija danas” ko agor e novembresko e nakhle bershesko thay ko shrdipe e decembresko sine hari biajukerdo, feri so albaniako sherunominsitri Edi Rama akaya ver portretisalo sar anamiko e Srbiako.
EDI RAMA SIGURUNO: “Kosova na ka ajukerel lunge vash penjaripe e Srbiatar, ka ovel akana vay may dosna”; RAMA PALEM PROVOCIRINELA: Kosova na ka ajukerel but vash finaluno penjaripe, “BEOGRAD MUSAY…” Lajavo vakeripe e Ramasko vash barikade ano upruno kotor e Kosovako – biqhalgya apeli e EU; “SILEN AMARO PHIKOIPE “Skandalozyune komentya e Ramaske vash e situacia ani Kosova – siton palune anava e Srbije danas vash albaniako sherunoministri.
Shay niso na ka ovel biajukerdo kay anglo nesave kurke o albaniako sherunoministri na lepardilo ano anav ano sah yaver konteksti. Numay, biajukerdo sito numay vash odola kola na dikhle o hramipya akale mediengo ko paluno vahti.
Dikhipeya e tekstengo kola avena koyat o yuli dikhlola klaro kay hramipe akale tablodipesko oscilirinla kana sito pe puqipe o albaniako sherunominsitri: kotar palune pozitivune, ji ko palune negativuno.

Anava e pozitivune kontekstesko
“MUSAY SIMAY TE HAV E PEGLIMI PIROTESKI KOBASICA” Vuqiq organizingya rakyako habe vash amala: Beogradi savaht sito than e bare vilesko (FOTO)
EDI RAMA KHUVGYA PE EU: “Evropa kerelape sar federacia e barvale egosityengo, tana ovel sine e Kina, Rusia thay Turkia na ka aqhova jivde ”
VUQIQ ADIKERGYA VIDEO KONFERENCA E RAMA THAY KOVAQESKI: Puterdo Balkani mangla te phenel traynipe, prosperiteti thay sioguruno anglipe vash populacie amare regioneske (FOTO)
“SRBIA NA MANGLAPE TE RODEL YEFTISARIPE” Rama pandar yekh ver dengya phikoipe amare themeske: “Na halovava e Kurteya”
EDI RAMA: “Sakote leparava ma qhiveni e Srbia te qhivel sankcie e Rusia”
VUQIQ E RAMA ANO BEORADI TALO PANI: “Bahtalo vash amalipe e Albania ”
“PRISHTINA MUSAY TE BESHEL ANI MESALIN” Edi Rama ani rig e Srbiaki?
“LEDEIPE E VUQIESKO E RAMA NIYEKH VER MAY SHUAKAR” Analistya arakhle: Amalipesko phanglipe mashakr duy liderya shay te alosarel kosovako puqipe?
“NA MANGLAPE TE KEREN PRESIA PE SRBIA” Rama palem beshto ani amari rig, albaniako sherunominsitri ZORALE mesazhi vash Ratorig

Anava e negativune kontekstesko
EDI RAMA QHIVGYA YAG PE BRITANIAKE PARTNERYA: Beshto zorale ano garavipe e Albanyune themutnengo
“BAHATYUNO VAKERIPE< FERI SO AMERIKA SITOY ANI OLENGI RIG” Skandalozyune vakeripya Edi Rama PELARGYA srbyune viktimen – tentinela te “thovel” e Hashim Thaqi?!
SKANDALI ANO SOMBESHIPE E EVROPAKE KONSILESKO! Rama telargya e Rezolucia vash organyengo trego, Kosova komparingya e Ukraina
EDI RAMA HOLAMO PE KARLA DEL PONTE: “Akava si hohavdo nevipe”, eks prokurora e Hagaske tribunalesko ano khuvipe kotar albaniako sherunoministri
EDI RAMA PROKLAMINGYA SKANDALOZYUNE FOTOGRAFIE: Specialune yekhipya e Albaniako ayekha kharde Kosova siton gatisarde!
SKANDALOZYUNO VAKERIPE E EDI RAMASKO: Garavela e krimeske kerutneng UCK thay vakerla kay e Rusia ikalgya pestar o mothavipe vash organyengo trego
SI MI SRBIAKE RIZIKO?! Edi Rama mangela NATO-ke askeriake zoralipya ani Albania, duy anglo penjaripe!

Pozitivune anava thay tekstya may buderi siton ano konteksti e Puterde Balkanesko, thay sar akava tablodi mothavela, phikoipe e Srbiake, amalipe e srbiake presidenteya, ji kay negativune kana o Edi Rama dela phiko e kosovake institucienge, dela pozitivune pratsavya vash NATO, Albanyuenge, thay kana si o puqipe vash organyengo trego kola tentinela te tiknarel.
Sito mi akava tabloidi “obyektivuno” vay talo akala hramipya sito diso yaver? Sar si shayutno ayekha polarizime anava ano yekhuno mothavipe?
Nesave medie silen na sakoya ver yekh but klari thay but vastimi rola – te hraminen ano nav yekha interesima grupako thay te bisteren ano profesionalune thay etikune standardya. Vash buderi olendar, a may buderi vash tabloidya intereimi grupa sito phiravipeski struktura, mothavela o zhurnalisti e KoSSev portalesko, Ivan Mitić.

Resursi: Radio Kontakt Plus